brosað hringinn!!

og flestir geta víst giskað á af hverju....

Heim komst ég og mikið andskoti var það ljúft (eina se skyggði á voru óheyrileg fjárútlát til að koma öllum farangri heim, draslið mitt óx með veldisvexti í vetur.
Búin að fara á fjöruhlaðborð, knúsa hrossin, gefa lömbum, slá, smala og éta, éta, éta. Held að kílóin örfáu sem urðu eftir úti í Köben komi fljótlega til með að elta mig hingað heim. Svo þjáist ég náttúrulega af þembu eins og við er að búast við snöggar fóðurbreytingar - þess virði samt, mömmu matur er alltaf bestur og þá skiptir engu hvað maður er orðinn gamall.

Þetta verður ekki mikið lengra, þarf að haska mér út til að halda áfram að slá kirkjugarðinn og svo hlaupa á eftir nokkrum rollum í viðbót í kvöld.
Eftir daga með þessu skipulagi sofna ég svo fljótt og vel á kvöldin að ég er farin að sjá fram á að Eiðfaxarnir sem söfnuðust uppí vetur komi til með að endast mér fram á næsta ár.

Þetta eru sem sagt helstu tíðindi af sveitalubbanum. Kannski held ég áfram að skrifa hér inn (verður þó alla vega sjaldnar en undanfarið), en ég lofa engu í þeim efnum

kv
sveitalubbinn í sumarstuði í sveitinni!!